Բայդենը ներում է շնորհել նրանց, ում սպառնում է Թրամփի «վրեժը»

Ջո Բայդենը, որն այսօր՝ հունվարի 20-ին, լքում է ԱՄՆ նախագահի պաշտոնը, կանխարգելիչ ներում է շնորհել ԱՄՆ Զինված ուժերի շտաբի պետերի միացյալ շտաբի նախկին նախագահ Մարկ Միլիին, նախկին գլխավոր վարակաբան Էնթոնի Ֆաուչիին, Ներկայացուցիչների պալատի հանձնաժողովի անդամներին և աշխատակիցներին, որոնք հետաքննել են 2020 թվականի հունվարին Կապիտոլիումի գրոհը։ Այսպիսով նա ցանկանում է կանխել այդ անձանց «քաղաքական դրդապատճառներով հետապնդումը» նորընտիր նախագահ Դոնալդ Թրամփի վարչակազմի կողմից:

«Ներումը չպետք է սխալ մեկնաբանվի որպես խոստովանություն, որ որևէ անձ իրավախախտում է գործել, այնպես ինչպես նման որոշման ընդունումը չպետք է սխալ մեկնաբանվի որպես մեղքի ընդունում որևէ օրինախախտման համար»,- ասել է Ջո Բայդենն իր ուղերձում, ում խոսքերը մեջբերում է AP-ն։ «Սրանք բացառիկ հանգամանքներ են, և ես մաքուր խղճով ոչինչ չեմ կարող անել։ Նույնիսկ այն դեպքում, երբ մարդիկ ոչ մի սխալ բան չեն արել, և իրականում արել են ճիշտը և, ի վերջո, արդարացվելու են, հետաքննության կամ քրեական հետապնդման ուղղակի փաստը կարող է անուղղելի վնաս հասցնել նրանց հեղինակությանը և ֆինանսներին»:

Այն մասին, որ Ջո Բայդենը ծրագրել է ներում շնորհել այն անձանց, որոնց հանդեպ դեռ հետաքննություն չի իրականացվել, ավելի վաղ հայտնել էին AP-ի աղբյուրները ։ Գործակալությունը գրել էր, որ «որոշ վախեցած նախկին պաշտոնյաներ դիմել են Սպիտակ տանը»՝ «որոշ պաշտպանություն» փնտրելու Հանրապետականի գալիք վարչակազմից, որը սպառնացել է քրեական հետապնդում իրականացնել Դոնալդ Թրամփի դեմ արտահայտվելու համար։

Թարգմանությունը՝ Տաթև Ֆռանգյանի