06.07.2026 | 16:11
Հայաստանի վերամշակող արդյունաբերությունը վերջին 9 տարում կրկնապատկվել է․ Փաշինյանը՝ «Իննոպրոմ-2026»-ում
«Էկզորցիզմի մասնագիտական գրականություն կփորձեմ ուսումնասիրել». Վահագն Ալեքսանյանն ուզում է ՀՀ քարտեզի միջոցով ընդդիմության միջից վանել «КГБ»-ն․ ՏԵՍԱՆՅՈՒԹ
Քաղաքականություն
20.01.2025 | 12:08
Այսօր Ազգային ժողովի նստածրջանի մեկնարկին ԱԺ դահլիճում փակցված ՀՀ քարտեզը բուռն քննարկումների առիթ դարձավ։ Ընդդիմադիր պատգամավորները հետաքրքրվեցին, թե ինչու է ընտրվել քարտեզի այդ տարբերակն ու ինչո՞ւ է քարտեզում դատարկ Սևանա լճի հատվածը։
ՔՊ-ական պատգամավոր Վահագն Ալեքսանյանը, պատասխանելով ընդդիմադիրներին, նրանց արձագանքը համեմատեց էկզորսիզմի ծեսի հետ․
«Երբ մտածում են՝ ինչ-որ մեկը չարքերով պատված է, չարքերին միջից հանելու համար տարատեսակ րիտուալներ կան․ օրինակ՝ սուրբ ջուր են լցնում, խունկ են ծխում շրջակայքում, աղոթում են, տարատեսակ արտահայտություններ են արտասանում, բայց ամենատարածված բանը, որ անում են, խաչ են ցույց տալիս։ Ես չգիտռեի, իհարկե, որ ՀՀ քարտեզը յուրատեսակ էկզորսիզմի գործիք կծառայի ձեր նկատմամբ, և գուցե ինբչ-որ պահի հաջողի ՀՀ քարտեզի միջոցով ձեր միջից վանել էն ամբողջ КГБ-ն, որը նստած է եղել ձեր մեջ ամբողջ 20-րդ դարի շրջանակներում և ենթադրաբար շարունակվել է 21-րդ դարում, բայց ես շատ ողջունում եմ այս փաստը»,- նշեց Ալեքսանյանը՝ խոստանալով ուսումնասիրել էկզորսիզմի վերաբերյալ մասնագիտական գրականություն և հասկանալ՝ ավելի լավ արդյունքի հասնելու համար էլ ինչ օժանդակ միջոցներ են պետք։
Մանրամասները՝ տեսանյութում։
