08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թուրքիան և Սլովակիան ռազմավարական գործընկերության հռչակագիր կստորագրեն
Քաղաքականություն
20.01.2025 | 16:25
Թուրքիայի նախագահ Ռեջեփ Թայիփ Էրդողանը երկուշաբթի օրը կհյուրընկալի պաշտոնական այցով Անկարա ժամանող Սլովակիայի վարչապետ Ռոբերտ Ֆիցոյին և նրա գլխավորած պատվիրակությանը։
Այս մասին X-ում հայտնել է Թուրքիայի նախագահականի հաղորդակցության գծով տնօրեն Ֆահրեթթին Ալթունը՝ նշելով, որ այցը կկենտրոնանա երկկողմ համագործակցության ընդլայնման վրա։
«Մեր նախագահի հրավերով պարոն Ֆիցոյի կայանալիք այցի ընթացքում կքննարկվեն քայլեր, որոնք կարող են ձեռնարկվել Թուրքիայի և Սլովակիայի միջև համագործակցությունը խորացնելու ուղղությամբ, մտքեր կփոխանակվեն արդի տարածաշրջանային և գլոբալ խնդիրների, այդ թվում՝ Թուրքիա-Եվրամիություն հարաբերությունների շուրջ»,-գրել է Ալթունը՝ հավելելով, որ այցի ընթացքում նախատեսվում է ստորագրել տարբեր համաձայնագրեր, այդ թվում՝ համատեղ հռչակագիր, որը Թուրքիայի և Սլովակիայի միջև հարաբերությունները կբարձրացնի «ռազմավարական գործընկերության» մակարդակի։
Թարգմանությունը՝ Էմմա Չոբանյանի
