25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
Թրամփն իր օգնականներին հանձնարարել է հեռախոսազրույց կազմակերպել Պուտինի հետ
Քաղաքականություն
20.01.2025 | 13:14
ԱՄՆ ընտրված նախագահ Դոնալդ Թրամփն իր օգնականներին հանձնարարել է հեռախոսազրույց կազմակերպել Ռուսաստանի նախագահ Վլադիմիր Պուտինի հետ իր երդմնակալությանը հաջորդող մի քանի օրվա ընթացքում։ Ըստ խնդրին ծանոթ աղբյուրների՝ զրույցի նպատակն է քննարկել առաջիկա ամիսներին դեմ առ դեմ հանդիպելու հարցը՝ Ուկրաինայում պատերազմի դադարեցման նպատակով, հայտնում է CNN-ը։
Թրամփը և նրա թիմը հույս ունեն արագ սկսել կարգավորման պլանի վրա աշխատանքը, որը կարող է իրականացվել նրա նախագահության առաջին ամիսների ընթացքում, այդ թվում՝ Պուտինի հետ ուղիղ զրույցների միջոցով: Լրատվամիջոցը հայտնում է, որ Թրամփի ազգային անվտանգության թիմի պաշտոնյաները սկսել են աշխատել Պուտինի հետ հեռախոսազրույցի ուղղությամբ մի քանի շաբաթ առաջ, սակայն պարզ չէ, արդյոք զրույցի ամսաթիվը վերջնական որոշվել է։
Թարգմանությունը՝ Էմմա Չոբանյանի
