09.09.2026 | 10:58
Գազամատակարարման պլանային դադարեցումներ Արագածոտնի, Շիրակի և Լոռու մարզերում
Հայաստանը «Վրաստան-ՆԱՏՕ 2025» զորավարժություններին կմասնակցի որպես դիտորդ
Քաղաքականություն
18.01.2025 | 16:40
Ապրիլի 28-ից մայիսի 8-ը Թբիլիսիի մերձակայքում գտնվող Կրծանիսի Վրաստան-ՆԱՏՕ համատեղ ուսուցման և գնահատման կենտրոնի (JTEC) տարածքում, Վրաստանի և ՆԱՏՕ-ի երկրների զինծառայողների հրամանատարաշտաբային վարժանքներ կանցկացվեն։ Այդ մասին հայտնել է Վրաստանում Իտալիայի դեսպանությունը։
Ըստ դեսպանատան հաղորդագրության, զորավարժությունների նպատակն է ստուգել Համատեղ ուսուցման և գնահատման կենտրոնի հնարավորությունները և փորձարկել բրիգադը, որը հիմնականում վրացական է, բայց ներառում է նաև միջազգային զինվորականներ։
Զորավարժություններին կմասնակցեն նաև զինվորականներ Ադրբեջանից, Ալբանիայից, Բուլղարիայից, Հունգարիայից, Գերմանիայից, Հունաստանից, Լեհաստանից, Սլովակիայից, ԱՄՆ-ից, Թուրքիայից և Ֆրանսիայից։ Հայաստանը զորավարժություններին կներկայացվի դիտորդի կարգավիճակով։
