10.07.2026 | 10:34
Իրանում հուղարկավորել են Ալի Խամենեիին
Ռուսաստանից Իրան գազատարը կանցնի Ադրբեջանի տարածքով
Քաղաքականություն
18.01.2025 | 14:45
Ռուսաստանից Իրան գազատարը կանցնի Ադրբեջանով, դրա երթուղին համաձայնեցված է։ Այս մասին լրագրողներին ասել է ՌԴ էներգետիկայի նախարար Սերգեյ Ցիվիլյովը, փոխանցում է rbc.ru-ն։
«Ադրբեջանով երթուղին համաձայնեցված է։ Այժմ մենք բանակցությունների վերջնական փուլում ենք՝ գնի հաստատման։ Ծավալներն արդեն հստակեցված են։ Գինը միշտ էլ կոմերցիոն խնդիր է, ուստի ստեղծվել են աշխատանքային խմբեր և մասնագետները մշակում են գնագոյացման մոտեցումը»,- ասված է հաղորդագրությունում։
Իրանի իշխանությունները ծրագրում են Ռուսաստանի, Կատարի և Թուրքմենստանի հետ միասին երկրի տարածքում գազային հանգույց ստեղծել։
Ռուսաստանի նախագահ Վլադիմիր Պուտինը հունվարի 17-ին իրանցի գործընկեր Մասուդ Պեզեշկիանի հետ բանակցություններից հետո կայացած մամուլի ասուլիսում հաստատել է, որ երկու երկրների միջև գազատարի կառուցման նախագիծն ընթացքի մեջ է։ Նրա խոսքով, առաջին փուլում մատակարարումները կարող են կազմել 2 միլիարդ խորանարդ մետր, սակայն դրանք կարելի է հասցնել 55 մլրդ խորանարդ մետրի՝ տարեկան կտրվածքով:
