15.05.2025 | 19:38
Մեդինսկին հայտարարել է, որ ՌԴ-ն պատրաստ է Ստամբուլում բանակցությունների և «փոխզիջումների»
Կարիք չկա, որ այլ երկրներ գան և ղեկավարեն տարածաշրջանը․ Փեզեշքիանը՝ Պուտինի հետ հանդիպմանը
Քաղաքականություն
17.01.2025 | 18:10
Տարիներ շարունակ աշխատել ենք համապարփակ ռազմավարական ծրագրի վրա, և այսօր այս փաստաթուղթը կստորագրվի։ Մոսկվայում ՌԴ նախագահ Վլադիմիր Պուտինի հետ հանդիպմանն այս մասին ասել է Իրանի նախագահ Մասուդ Փեզեշքիանը, փոխանցում է Mehr գործակալությունը։
«մենք կարողացել ենք խորացնել մեր կապերը անվտանգության, տնտեսության, առևտրի, մշակույթի բոլոր ոլորտներում։ Կային խոչընդոտներ, բայց մենք վերացրել ենք բոլոր հնարավոր խոչընդոտները։ Մենք վճռական ենք այդ բոլոր պայմանավորվածությունները գործարկելու և իրականացնելու հարցում»,- ասել է Իրանի նախագահը՝ հավելելով, որ Ռուսաստանի հետ հարաբերությունները համարում են զգայուն ու կենսական և ամուր կանգնած են այդ ճանապարհին։
«Մեր առաջնորդը խորհուրդ է տալիս, որ տարածաշրջանը կառավարվի տարածաշրջանային կառավարությունների կողմից։ Կարիք չկա, որ այլ երկրներ աշխարհի մյուս ծայրից գան և ղեկավարեն տարածաշրջանը»,- նշել է Փեզեշքիանը։
Վլադիմիր Պուտինն իր հերթին ասել է, որ բավական երկար ժամանակ աշխատել են ստորագրվելիք համաձայնագրի ուղղությամբ, և շատ գոհ է , որ այն վերջնական տեսքի է բերվել: Ըստ ՌԴ նախագահի՝ դա կօգնի ամրապնդել ապագա առևտրատնտեսական համագործակցությունը և նպատակ ունի է՛լ ավելի ընդլայնել այդ կապերը։
Թարգմանությունը՝ Էմմա Չոբանյանի
