10.08.2026 | 13:22
Բերման են ենթարկվել մի խումբ անձինք՝ իրենց մեքենաներով հանդերձ. նրանց մոտ հայտնաբերվել են զենքեր
Ֆրանսիական պարեկային ինքնաթիռը ռուսական ահաբեկման միջոցների թիրախ է դարձել․ Սեբաստիան Լըկորնյու
Քաղաքականություն
17.01.2025 | 15:21
Ֆրանսիայի զինված ուժերի նախարար Սեբաստիան Լըկորնյուն X-ում արված գրառմամբ անդրադարձել է Բալթիկ ծովի օդային տարածքում տեղի ունեցած միջադեպին։ Ըստ նրա՝ ֆրանսիական «Atlantique 2» ծովային պարեկային ինքնաթիռը թիրախավորվել է ռուսական ահաբեկման միջոցների կողմից։
«Չորեքշաբթի լույս հինգշաբթի գիշերը ֆրանսիական «Atlantique 2» ծովային պարեկային ինքնաթիռը ռուսական ահաբեկման միջոցների թիրախ է դարձել։
Ինքնաթիռը, որը ՆԱՏՕ-ի գործողության շրջանակներում Բալթիկ ծովի վրա միջազգային օդային տարածքն էր հսկում, լուսավորվել է S400 ՀՕՊ համակարգի կրակային կառավարման ռադարով:
Ռուսական այս ագրեսիվ գործողությունն անընդունելի է։
Մեր բանակները կշարունակեն գործել՝ պաշտպանելու ազատ նավարկությունը միջազգային՝ օդային և ծովային տարածքներում»,- գրել է Լըկորնյուն։
Թարգմանությունը՝ Անահիտ Խաչատրյանի
