17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Մեծ Բրիտանիան 100-ամյա գործընկերության շրջանակում կարող է ռազմաբազաներ տեղակայել Ուկրաինայում
Քաղաքականություն
17.01.2025 | 16:44
Մեծ Բրիտանիան կուսումնասիրի Ուկրաինայում ռազմաբազաների և պաշտպանական ենթակառուցվածքների տեղակայման հարցը։ Այս մասին է վկայում երկու երկրների 100-ամյա գործընկերության մասին հռչակագիրը, որի տեքստը հրապարակել է բրիտանական կառավարությունը։а
«[Համաձայնագրի] մասնակիցները կքննարկեն Ուկրաինայում պաշտպանական ենթակառուցվածքների տեղակայման և պահպանման տարբերակները, ներառյալ` ռազմաբազաները, նյութատեխնիկական պահեստները, ռազմական տեխնիկայի պահեստները և ռազմական ռեզերվային պաշարները: Այդ օբյեկտները կարող են օգտագործվել ռազմական լուրջ սպառնալիքի դեպքում մեր սեփական պաշտպանական ներուժն ուժեղացնելու համար»,- ասվում է փաստաթղթում։
Համաձայնագրում կա նաև կետ, որում նշվում է, որ Լոնդոնը Կիևին կտրամադրի տարեկան առնվազն 3 միլիարդի չափով ռազմական օգնություն մինչև 2030-2031 թվականները՝ «այնքան, որքան պահանջվում է Ուկրաինային աջակցելու համար»:
Բացի այդ, փաստաթղթում խոսվում է «հեռահար հարվածային հնարավորությունների, ինտեգրված հակաօդային և հակահրթիռային պաշտպանության և համալիր սպառազինությունների պաշարների» ոլորտում համագործակցության խորացման մասին։
Ուկրաինան և Միացյալ Թագավորությունը գործընկերության մասին համաձայնագիր են ստորագրել հունվարի 16-ին՝ Մեծ Բրիտանիայի վարչապետ Քիր Սթարմերի Կիև կատարած այցի ժամանակ։ Ուկրաինայի նախագահ Վլադիմիր Զելենսկին հայտարարել է, որ փաստաթուղթը փակ հատված է պարունակում։
Թարգմանությունը՝ Տաթև Ֆռանգյանի
