17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Վրաստանը Հարավային Կովկասում եռակողմ համագործակցության նախաձեռնություն է առաջարկում․ Կոբախիձե
Քաղաքականություն
17.01.2025 | 13:25
Վրաստանը Հարավային Կովկասի երկրներին (Հայաստան, Վրաստան, Ադրբեջան) առաջարկում է եռակողմ համագործակցություն։ Այս մասին Բաքվում Վրաստանի և Ադրբեջանի միջև տնտեսական համագործակցության միջկառավարական հանձնաժողովի 10-րդ նիստի բացման ժամանակ հայտարարել է Վրաստանի վարչապետ Իրակլի Կոբախիձեն, փոխանցում է վրացական «Առաջին ալիքը»։
Ադրբեջանական կողմից հանդիպումը նախագահում է վարչապետ Ալի Ասադովը։
«Վստահ եմ, որ համատեղ ջանքերով մենք ոչ միայն կհաղթահարենք բոլոր մարտահրավերները, այլև առավել արդյունավետ կօգտագործենք առկա հնարավորությունները՝ է՛լ ավելի արդյունավետ համագործակցության համար։ Մենք անկեղծորեն շահագրգռված ենք տարածաշրջանում կոնկրետ գործնական քայլերի իրականացման և տարածաշրջանում համագործակցությանը նպաստելու հարցում։ Վրաստանը կողմերին առաջարկում է եռակողմ համագործակցության նախաձեռնություն, որը նախատեսում է Հարավային Կովկասի բոլոր երեք երկրների մասնակցությունը տարբեր ուղղություններում»,- նշել է Կոբախիձեն։
Վրաստանի վարչապետը այսօր հանդիպում է անցկացնելու նաև Ադրբեջանի նախագահ Իլհամ Ալիևի հետ։
Թարգմանությունը՝ Էմմա Չոբանյանի
