25.06.2026 | 22:19
«45 օր՝ առանց սննդի․ առողջական վիճակը ծայրահեղ է գնահատվում»․ ինչու են բանտերում կալանավորները հացադուլի դիմում
Մյասնիկյան պողոտայում յոթ մեքենա է բախվել․ տուժածները հոսպիտալացվել են
Հասարակություն
17.01.2025 | 14:26
Հունվարի 17-ին՝ ժամը 01:02-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Մյասնիկյան պողոտայում տեղի է ունեցել ՃՏՊ՝ բախվել են ավտոմեքենաներ․ տեղեկացնում են ՆԳՆ ՓԾ-ից։
Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական և Ճգնաժամային կառավարման ազգային կենտրոնի օպերատիվ խմբերը:
Պարզվել է, որ բախվել են Honda (վարորդ` Դ. Գ., ծնված 1981 թ.), Tesla (վարորդ` Ա. Ա., ծնված 1998 թ․), Mercedes-Benz (վարորդ` Է. Թ., ծնված 1990 թ․), Mercedes-Benz (վարորդ` Ա. Զ., ծնված 1970 թ.), Mercedes-Benz (վարորդ` Ա. Ռ., ծնված 1999 թ.), BMW (վարորդ` Ռ. Բ., ծնված 1989 թ.) և Lexus (վարորդ` Ա. Պ., ծնված 1991 թ.) մակնիշների ավտոմեքենաները։
Փրկարարները Mercedes-Benz մակնիշի ավտոմեքենայից դուրս են բերել ուղևոր Մ. Կ.-ին (ծնված 1977 թ.) և մոտեցրել շտապօգնության ավտոմեքենային. տուժածներ Մ. Կ.-ն և Ա. Զ.-ն հոսպիտալացվել են բժշկական կենտրոն:
Փրկարարները հոսանքազրկել են երկու Mercedes-Benz մակնիշի ավտոմեքենա:
