10.08.2026 | 15:28
Արթուր Ղարիբյան. «Ինչը կարող է ավելի լավ լինել, քան «Զենիթին» հաղթելը»
Ռուս դիվանագետներին վտարել են Մեծ Բրիտանիայի խորհրդարանից
Քաղաքականություն
17.01.2025 | 13:19
Մի քանի ռուս դիվանագետներ ձերբակալվել են բրիտանական խորհրդարանի շենքում, երբ էքսկուրսիայի ժամանակ նրանք առանձնացել են ընդհանուր խմբից և հայտնվել Լորդերի պալատում։ Բրիտանական The Guardian-ը հատուկ հոդված է նվիրել այս միջադեպին, որը տեղի է ունեցել դեկտեմբերի 25-ին Բրիտանիայում նշվող Սուրբ Ծննդյան նախօրեին։
Խորհրդարանի շենքի ներքին անվտանգությունը ռուս դիվանագետներին վտարել է պալատից և բացատրել, որ այնտեղ շրջագայություններ չեն անցկացվում, գրում է Guardian-ը։
Մեծ Բրիտանիայի կառավարությունն ավելի քան լուրջ է վերաբերվել միջադեպին, նշում է BBC-ն։ Երկու պալատների անդամներին էլ նամակ է ուղարկվել՝ զգուշացնելով, որ Ռուսաստանից դիվանագետների չհրավիրեն խորհրդարանի շենք։
Հրապարակման հեղինակները գրում են, որ անհասկանալի է մնում՝ արդյո՞ք ռուսները ներկա են եղել աշխատակիցներից մեկի կամ դիվանագետներից մեկի նախաձեռնությամբ կազմակերպված էքսկուրսիային, թե՞ ռուս դիվանագետները տոմս են գնել, ինչպես անում են սովորական զբոսաշրջիկները։
Ռուսական պետության ներկայացուցիչները 2022 թվականի մարտից պաշտոնապես հայտարարվել են անցանկալի անձինք՝ պերսոնա նոն գրատա, և այդ մասին գրավոր ծանուցվել է ՌԴ դեսպանին, գրում է Guardian-ը։
Թարգմանությունը՝ Տաթև Ֆռանգյանի
