09.09.2026 | 10:41
Հրդեհ Քարաբերդում․ այրվել է մոտ 700 հակ անասնակեր
Պուտինն ու Փեզեշքիանն այսօր Մոսկվայում նաև Հարավային Կովկասում իրավիճակն են քննարկելու
Քաղաքականություն
17.01.2025 | 11:06
ՌԴ և Իրանի նախագահներ Վլադիմիր Պուտինն ու Մասուդ Փեզեշքիանն այօսր Մոսկվայում կայանալիք հանդիպմանը,ի թիվս այլ հարցերի, քննարկելու են նաև Հարավային Կովկասում իրավիճակը։ Այս մասին գրում է ՌԻԱ Նովոստին՝ վկայակոչելով Կրեմլի մամուլի ծառայությանը։
«Ակնկալվում է, որ առաջիկա բարձր մակարդակի բանակցությունները կշոշափեն փոխադարձ հետաքրքրություն ներկայացնող համաշխարհային և տարածաշրջանային օրակարգի առանցքային հարցեր։ Դրանց թվում են Անդրկովկասում իրավիճակի զարգացումը, իրանական միջուկային ծրագրի շուրջ իրավիճակը»,- ասվում է հաղորդագրությունում։
Հավելենք, որ Իրանի նախագահ Մասուդ Փեզեշքիանն այսօր կայցելի Մոսկվա՝ ՌԴ նախագահ Վլադիմիր Պուտինի հետ բանակցությունների։ Փեզեշքիանի այցի կարևոր բաղադրիչը կողմերի միջև Համապարփակ ռազմավարական գործընկերության համաձայնագրի ստորագրումն է։
Թարգմանությունը՝ Էմմա Չոբանյանի
