06.06.2026 | 20:00
Ում ենք ընտրում չընտրելով․ քվեարկության չԳնալու ՇԵՐՏԵՐԸ. ՏԵՍԱՆՅՈՒԹ
ԵՄ-ն մանրակրկիտ կուսումնասիրի ՀՀ անդամակցության հնարավոր հայտը
Քաղաքականություն
14.01.2025 | 19:39
Եվրամիությունը մանրակրկիտ կուսումնասիրի Հայաստանի անդամակցության հնարավոր հայտը։ Այս մասին հայտարարել է ԵՄ ընդլայնման հարցերով հանձնակատար Մարտա Կոսը Բրյուսելում Եվրախորհրդարանի արտաքին հարաբերությունների հանձնաժողովի նիստում ունեցած ելույթում։
«Դրական տեղաշարժեր կան ԵՄ անդամակցության հայտ ներկայացնելու ուղղությամբ։ Դա ընտրություն է, և մենք պետք է շատ մանրակրկիտ ուսումնասիրենք բոլոր դիմումները, նույնը կանենք Հայաստանի դեպքում։ Սակայն այս ընտրությունը, եթե Հայաստանը որոշի դիմել, գալիս է պարտավորություններով։ Եվ ես վստահ եմ, ինչպես նաև ծրագրում եմ տարվա առաջին կեսին այցելել Հայաստան՝ տեղում տեսնելու, թե ինչ պետք է անենք նախապես կամ ինչ տեղեկատվություն է պետք փոխանակել»,- ասել է եվրահանձնակատարը։
Ըստ ԵՄ պաշտոնյայի՝ ընդլայնման գործընթացը շուտով կարող է անտեսանելի առաջընթաց գրանցել մեկ տասնամյակի ընթացքում:
Սպասվում է, որ առաջիկա հինգ տարիների ընթացքում Եվրամիություն կմտնեն մեկից երեք երկրներ, որոնցից առաջատարն են Մոնտենեգրոն և Ալբանիան։ Կոսը հույս է հայտնել ավարտել անդամակցության բանակցություններն առաջիկա երկու-երեք տարիների ընթացքում։
Թարգմանությունը՝ Էմմա Չոբանյանի
