10.08.2026 | 13:40
Կանանց NBA-ում 3 միավորանոց նետումների ռեկորդ է գրանցվել. ՏԵՍԱՆՅՈՒԹ
Լավրովը բարձր է գնահատել Ադրբեջանի հետ հարաբերությունների զարգացումը՝ դրանք «վստահելի» անվանելով
Քաղաքականություն
14.01.2025 | 18:49
Մոսկվան բարձր է գնահատում Բաքվի հետ հարաբերությունների զարգացումը, այդ կապերը վստահելի բնույթ են կրում։ Այս մասին հայտարարել է ՌԴ ԱԳ նախարար Սերգեյ Լավրովը տարեկան ամփոփիչ ասուլիսում, գրում է ՏԱՍՍ-ը։
«Ես բարձր եմ գնահատում ռուս-ադրբեջանական հարաբերությունները։ Դրանք վստահելի են, նախագահները պարբերաբար շփվում են, փակ թեմաներ չկան։ Նրանք աշխատանք են տարել կառավարություններին խրախուսելու՝ փոխշահավետ նոր նախագծեր որոնելու ուղղությամբ»,- մասնավորապես, ասել է Լավրովը։
Ըստ նրա՝ դա վերաբերում է և՛ Հյուսիս-Հարավ միջանցքին, և՛ այլ տրանսպորտային նախագծերին Կովկասում և դրա շուրջ։
«Դա, իհարկե, վերաբերում է Կասպից ծովին, հատկապես Կասպից ծովի ծանծաղուտին: Մենք ներկայում ստեղծում ենք երկկողմ աշխատանքային խումբ և ցանկանում ենք առաջարկել այն վերածել հնգակողմ ձևաչափի, որպեսզի մերձկասպյան բոլոր ափամերձ երկրները մասնակցեն այդ աշխատանքներին։ Մենք համագործակցում ենք նաև միջազգային ասպարեզում։ Կան շփումներ և գործնական քայլեր՝ անվտանգության, ահաբեկչության և կազմակերպված հանցավորության դեմ պայքարում մեր կարողություններն ուժեղացնելու համար։ Իհարկե, կան շփումներ զինված ուժերի և հատուկ ծառայությունների միջև»,- ասել է ռուսաստանցի պաշտոնյան։
Թարգմանությունը՝ Էմմա Չոբանյանի
