25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
ՌԴ ՊՆ-ն հայտարարել է Ուկրաինայի կողմից ATACMS և Storm Shadow հրթիռներով Բրյանսկի շրջանին հարվածելու մասին
Քաղաքականություն
14.01.2025 | 18:24
Հունվարի լույս 14-ի գիշերը ուկրաինական ուժերը փորձել են հարձակվել Բրյանսկի շրջանի տարածքի վրա 6 ATACMS հրթիռներով, 6 Storm Shadow հրթիռներով և 31 անօդաչու թռչող սարքերով։ Այս մասին հայտարարել է ՌԴ ՊՆ-ն, փոխանցում է Meduza-ն։
Գերատեսչությունը պնդում է, թե բոլոր արկերը խոցվել են հակաօդային պաշտպանության ուժերի կողմից, զոհեր և վիրավորներ չկան։ Նշվում է, որ ևս երկու Storm Shadow հրթիռ խոցվել է Սև ծովի վրա։ Հետևանքների մասին չի հաղորդվում։
ՌԴ ՊՆ-ն հավելել է, որ Կիևի վգործողությունները, որոնց աջակցում են արևմտյան կուրատորները, անպատասխան չեն մնա»։
Ուկրաինայի զինված ուժերի գլխավոր շտաբը և բարձրագույն հրամանատարությունը չեն մեկնաբանել Բրյանսկի շրջանի վրա հարձակումը։
Երեկ երեկոյան Բրյանսկի շրջանի նահանգապետ Ալեքսանդր Բոգոմազը հայտարարել էր, թե Ուկրաինան «զանգվածային փորձ» է կատարել տարածաշրջանին «համակցված հրթիռային հարված» հասցնելու, սակայն ռուսական հակաօդային պաշտպանության ուժերը ոչնչացրել են բոլոր թիրախները։ Նրա խոսքով՝ հարձակման հետևանքով զոհեր և վիրավորներ չկան։ Նահանգապետը վնասների կամ ավերածությունների մասին չէր հայտնել:
Mash, Shot և Astra տելեգրամ ալիքները հայտնել էին, որ հարձակման է ենթարկվել Սելցո գյուղում Բրյանսկի քիմիական գործարանը։
Թարգմանությունը՝ Էմմա Չոբանյանի
