10.08.2026 | 13:40
Կանանց NBA-ում 3 միավորանոց նետումների ռեկորդ է գրանցվել. ՏԵՍԱՆՅՈՒԹ
Կատարը հայտնել է Իսրայելի և ՀԱՄԱՍ-ի միջև բանակցությունների վերջնական փուլի մասին․ համաձայնագիրը կարող է այսօր ստորագրվել
Քաղաքականություն
14.01.2025 | 16:50
Իսրայելի և պաղեստինյան ՀԱՄԱՍ-ի միջև անուղղակի բանակցությունները հրադադարի և պատանդների ազատ արձակման վերաբերյալ վերջին փուլում են՝ հաղթահարված մեծ խոչընդոտներով, հայտարարել է Կատարի ԱԳՆ-ն, որը բանակցություններում հանդես է գալիս միջնորդի դերում:
Իսրայելական, պաղեստինյան և արաբական աղբյուրները լրատվամիջոցներին հայտնել են, որ համաձայնագիրը կարող է ստորագրվել այսօր՝ հունվարի 14-ին։
«Վերջին օրերին կողմերին հաջողվել է հաղթահարել Գազայի հատվածում հրադադարի համաձայնագրի հիմնական խոչընդոտները, որոնք նախկինում խանգարում էին դրա կնքմանը։ Մենք մոտենում ենք վերջին փուլին՝ համաձայնության հասնելու համար»,- ասել է Կատարի ԱԳՆ պաշտոնական ներկայացուցիչ Մաջիդ բեն Մուհամեդ ալ-Անսարին, որին վկայակոչում է AFP-ն:
Արաբ և իսրայելցի պաշտոնյաներն անանունության պայմանով The Wall Street Journal-ին հայտնել են, որ կողմերը համաձայնության են եկել հիմնական կետերի շուրջ, սակայն դեռ քննարկում են որոշ ձևակերպումներ:
Համաձայնագրի վերջնական նախագիծն արդեն ընդունվել է ՀԱՄԱՍ-ի կողմից, կողմերը սպասում են Իսրայելի կառավարության հաստատմանը, Associated Press-ին (AP) հայտնել են աղբյուրները:
Թարգմանությունը՝ Տաթև Ֆռանգյանի
