15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
Լավրովը հայտարարել է, թե ադրբեջանական օդանավի կործանման վերաբերյալ «սև արկղերի» առաջին տվյալները չեն հաստատում տարածվող տեղեկությունների մի մասը
Քաղաքականություն
14.01.2025 | 17:53
Ղազախստանի Ակտաու քաղաքի մերձակայքում AZAL-ի («Ադրբեջանական ավիաուղիներ») օդանավի կործանման վերաբերյալ «սև արկղերի» առաջին տվյալները չեն հաստատում լրատվամիջոցներում հայտնված միջադեպի մասին որոշ տեղեկություններ։ Այս մասին հայտարարել է ՌԴ ԱԳ նախարար Սերգեյ Լավրովը։
«Մենք գնահատել ենք, որ մեր ադրբեջանցի ընկերներն անմիջապես աջակցեցին Ռուսաստանի Դաշնության մասնակցությանը հետաքննությանը՝ հաշվի առնելով բոլոր գործոնները։ Բրազիլիայում հատուկ հանդիպում է տեղի ունեցել, բացվել են «սև արկղերը», դրանց բովանդակությունն արդեն իսկ շատ հետաքրքիր տեղեկություններ է տվել, բովանդակությունը ևս մեկ անգամ համոզում է մեզ, որ պետք է սպասել ամբողջական հետաքննությանը»,- ասել է Լավրովը տարեկան ամփոփիչ ասուլիսում։
Նա ընդգծել է, որ քանի դեռ հետաքննությունը չի ավարտվել, կարիք չկա «լրատվական տարածությունում մթնոլորտը աշխուժացնել՝ օգտագործելով տեղեկատվություն, որը, մեծ հաշվով, չի հաստատվում սև արկղերի տեղեկություններով»։
Հավելենք, որ Ադրբեջանի նախագահ Իլհամ Ալիևը ՌԴ-ին է մեղադրել օդանավի կործանման մեջ, պահանջել ներողություն խնդրել, ընդունել մեղքը, մեղավորներին պատասխանատվության ենթարկել ու փոխհատուցում վճարել։
Թարգմանությունը՝ Էմմա Չոբանյանի
