05.09.2026 | 11:03
Վթարային ջրանջատում 3 մարզերում
Երևանի ավագանու ընտրություններն ավարտվեցին առանց ՀՀ 4 նախագահների մասնակցության
Քաղաքականություն
23.09.2018 | 21:00
Այսօր ժամը 20։00-ին փակվեցին Երևանի բոլոր ընտրատեղամասերը։ Մինչ ԿԸՀ-ն կներկայացնի ընտրությունների նախնական արդյունքները, հիշեցնենք, որ Երևանի ավագանու ընտրություններին այդպես էլ չմասնակցեցին Հայաստանի չորս նախագահները։
Առաջին նախագահ Լևոն Տեր-Պետրոսյանի խոսնակ Արման Մուսինյանը պարզապես հայտնել էր, որ առաջին նախագահը չի մասնակցելու՝ առանց ներկայացնելու որևէ պատճառ։
Երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանն էլ մեզ փոխանցեց, որ երկրորդ նախագահը չի մասնակցի ընտրություններին, քանի որ նրա անձնագիրը ՀՔԾ-ում է։
Հանրապետության 3-րդ նախագահ Սերժ Սարգսյանն ընդհանրապես ընտրություններին մասնակցել-չմասնակցելու վերաբերյալ հասարակությանը որևէ տեղեկատվություն չհաղորդեց։ Նրա գրասենյակի ղեկավարի հետ այդպես էլ կապ հաստատել չհաջողվեց՝ պարզելու համար նաև՝ արդյոք Սերժ Սարգսյանն առհասարակ Հայասատնում է։
Իսկ ահա ՀՀ 4-րդ նախագահ Արմեն Սարգսյանը չմասնակցեց Երևանի ավագանու ընտրություններին, քանի որ Հայաստանում չէ։ Գործող նախագահը գտնվում է Փարիզում և մասնակցում է Շամոնի քաղաքում անցկացվող ամենամյա Մտքերի գագաթնաժողովին, որտեղ ելույթ է ունեցել որպես գլխավոր բանախոս։
