17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Պենտագոնի ղեկավարը խորհուրդ է տվել ԱՄՆ պաշտպանական ծախսերն ավելացնել ավելի քան 50 միլիարդ դոլարով
Քաղաքականություն
13.01.2025 | 13:31
Պենտագոնի ղեկավար Լլոյդ Օսթինը խորհուրդ է տվել ԱՄՆ կառավարությանը 2026 ֆինանսական տարում ավելացնել պաշտպանական ծախսերը շուրջ 50 միլիարդ դոլարով: Առաջիկա տարիներին ռազմական գերատեսչության բյուջեն կարող է գերազանցել 1 տրիլիոն դոլարը, հաղորդում է Bloomberg-ը։
Նախարարն իր առաջարկը ներկայացրել է նոյեմբերի 27-ին ԱՄՆ Կառավարման և բյուջեի գրասենյակին (OMB) ուղղված նամակում։ Օսթինը կոչ է արել 2027-2030 ֆինանսական տարիներին երկրի ՀՆԱ-ի մոտ 3%-ը ծախսել պաշտպանության վրա:
Նախարարը չի ներկայացրել նման աճի անհրաժեշտության հստակ հիմնավորում՝ բացառությամբ Ազգային պաշտպանության ռազմավարությանն աջակցությանը՝ շեշտադրելով «Չինաստանին հակազդելը և դաշինքն ամրապնդելը»։
Պենտագոնի ներկայացուցիչը հրաժարվել է մեկնաբանել տեղեկությունը:
Bloomberg-ը նշում է, որ պաշտպանության նախարարի նամակը կարող է Կոնգրեսի անդամներին ապահովել «քաղաքական ծածկույթ»՝ նախագահ Դոնալդ Թրամփի պաշտոնը ստանձնելուց հետո պաշտպանական ծախսերն ավելացնելու համար: Սակայն դեռևս հայտնի չէ՝ արդյո՞ք Թրամփը կաջակցի այս ծրագրին։
Թարգմանությունը՝ Տաթև Ֆռանգյանի
