20.02.2026 | 10:05
Կարեն Խաչանովը պարտվել է աշխարհի առաջին ռակետին․ ՏԵՍԱՆՅՈՒԹ
ՆԱՏՕ-ի ինը երկրներ զորավարժություններ կանցկացնեն Բալկաններում
Քաղաքականություն
13.01.2025 | 13:11
ՆԱՏՕ-ի երկրները հունվարի 13-ից փետրվարի 26-ը Steadfast Dart 2025 (STDT25) զորավարժություններ կանցկացնեն՝ արևելյան թևում ուժեր տեղակայելու համար, հայտնում է դաշինքի մամուլի ծառայությունը։
Զորավարժությունների նպատակն է ստուգել մասնակից պետությունների միջև օպերատիվ համատեղելիությունը, ինչպես նաև մշակել զորքերի տեղակայումը:
Մասնակից երկրների ցանկում կլինեն Բուլղարիան, Ֆրանսիան, Հունաստանը, Իտալիան, Ռումինիան, Իսպանիան, Սլովենիան, Թուրքիան և Միացյալ Թագավորությունը։ Մեծ Բրիտանիան կուղարկի ամենամեծ թվով զորքերն ու սպառազինությունը՝ ավելի քան 2,5 հազար զինվորական և 730 միավոր տեխնիկա։
Զորավարժությունները տեղի կունենան Ռումինիայի, Բուլղարիայի և Հունաստանի տարածքում՝ հատուկ նշանակության ուժերի (Allied Reaction Force, ՀՅԴ) մասնակցությամբ։ Կիրականացվեն դեսանտային գործողություններ, մարտական ավիացիայի կրակոցներ և համակցված վարժանքներ։
2024 թվականին ՆԱՏՕ-ն անցկացրել է Սառը պատերազմի ավարտից ի վեր ամենամեծ զորավարժությունները (Steadfast Defender), որին առաջին անգամ մասնակցել են Ֆինլանդիան և Շվեդիան։ Եվրոպայի ամբողջ արևելյան թևի երկայնքով զսպման սցենարներ կիրառելու համար 90,000 զինվորականներ են տեղակայվել:
Թարգմանությունը՝ Տաթև Ֆռանգյանի
