10.01.2025 | 18:44
ՀՀ ԱԽ քարտուղարն ու ԵՄ հատուկ ներկայացուցիչը քննարկել են տարածաշրջանային անվտանգային իրավիճակը
Հրկիզո՞ւմ․ Լոս Անջելեսի ոստիկանությունն անտառային հրդեհի գործով կասկածյալի է ձերբակալել
Քաղաքականություն
10.01.2025 | 15:48
Լոս Անջելեսի ոստիկանությունը կարծում է, որ «Քենեթի» անտառային հրդեհը հրկիզման հետևանք է: Լոս Անջելեսի ոստիկանական բաժանմունքի ավագ սպա Շոն Դինսը News Nation-ին հայտնել է մեկ անձի ձերբակալության մասին, որը կասկածվում է հրդեհին ներգրավվածության մեջ։
«Քենեթ» հրդեհը Կալիֆորնիայում ներկայում այրվող հինգ հրդեհներից մեկն է: «Քենեթն» արդեն ոչնչացրել է ավելի քան 960 ակր (390 հա) հողատարածք Հիդսեն Հիլի, Վուդլենդ Հիլի ու Ուեսթ Հիլզի տարածքում, հայտնում է Los Angeles Times-ը։
Հրկիզողին կարող է սպառնալ ցմահ ազատազրկում, ասել է շրջանային դատախազ Նաթան Հոհմանը:
Ավելի քան 14 հազար հեկտար տարածքում հինգ հրդեհ է մոլեգնում։ Դրանցից ամենամեծը դեռ չի հաջողվել վերցնել վերահսկողության տակ։ Ավելի վաղ հաղորդվել է, որ հրդեհի հետևանքով 10 մարդ է զոհվել, տարածքում ավերվել է 10 հազար շինություն։ Տեղական իշխանությունները զգուշացրել են, որ զոհերի իրական թիվը մնում է անհայտ:
JPMorgan Chase-ը վնասը գնահատել է գրեթե 50 մլրդ դոլար։
Թարգմանությունը՝ Տաթև Ֆռանգյանի
