24.02.2026 | 14:52
ԿԸՀ-ն սահմանել է ԱԺ ընտրությունների ծախսերի նախահաշիվը՝ 4 մլրդ 451 մլն 688 հազար դրամ
ՔԿ-ն դատախազությունից ընտրախախտումների վերաբերյալ 3 հաղորդում է ստացել. Կամո Սահակյան. ՏԵՍԱՆՅՈՒԹ
Հասարակություն
23.09.2018 | 17:32
Այս պահի դրությամբ՝ ՀՀ Քննչական կոմիտեում ընտրական հանցագործությունների, խախտումների վերաբերյալ դատախազությունից ստացվել է 3 հաղորդում: Այս մասին ՀՀ Կենտրոնական ընտրական հանձնաժողովի տեղեկատվական կենտրոնում լրագրողների հետ հանդիպմանը տեղեկացրեց ՀՀ Քննչական կոմիտեի ՀԿԳ քննության գլխավոր վարչության ընդհանուր բնույթի հանցագործությունների քննության վարչության պետ Կամո Սահակյանը:
Սահակյանի խոսքով՝ դրանցից երկուսը լրատվամիջոցներում հրապարակումների դեպքերի վերաբերյալ է, մեկը ստացվել է 40/46 ընտատեղամասի հանձնաժողովի նախագահի կողմից: Բոլորի վերաբերյալ նախապատրաստվում են նյութեր, իրականացվում են համապատասխան ստուգողական գործողություններ՝ քրեական գործ հարուցելու հարցը քննարկելու համար:
Կամո Սահակյանը նաև մանրամասներ ներկայացրեց ստացված հաղորդումների բնույթի մասին. մեկը վերաբերում է Երևանի Էրեբունի վարչական շրջանի 10/22 ընտրատեղամասոմ տարեց կնոջ կողմից տարեց ամուսնու հետ միասին քվեախցիկ մուտք գործելու դեպին, մյուսը՝ Նոր Նորք վարչական շրջանի 2/46 տեղամասում քվեախցիկի անմիջապես վերևում՝ առաստաղին տեսախցիկ ամրացված լինելու դեպքին, իսկ 40/46 ընտրատեղամասի հանձնաժողովի նախագահի հաղորդումը վերաբերում է կնոջ կողմից կրկնաքվեարկության փորձ կատարելուն:
Ստացված հաղորդումների դեպքերով օրենքով սահմանված կարգով քննչական դատավարական գործողություններ են իրականացվում՝ դեպքի բոլոր հանգամանքները պարզելու ուղղությամբ:
