13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Դատարանը մերժել է Wildberries-ի ակտիվների վերաբերյալ Բակալչուկի հայցը
Քաղաքականություն
10.01.2025 | 17:20
Մոսկվայի մարզի արբիտրաժային դատարանն ապացույցներ չի գտել Wildberries-ի հիմնադրի ամուսնու՝ Վլադիսլավ Բակալչուկի պահանջների վերաբերյալ։ Այս մասին է վկայում դատարանի որոշումը, որը հայտնվել է ՌԻԱ Նովոստիի տրամադրության տակ։
Բակալչուկը պահանջել էր անվավեր ճանաչել Wildberries-ի ակտիվները միավորված РВБ ընկերությանը փոխանցելու գործարքը, քանի որ, նրա կարծիքով, այն նպատակ ուներ վնաս պատճառել Wildberries ՍՊԸ-ին և անձամբ Բակալչուկին։ Միաժամանակ, նա պարտավոր էր ապացուցել այդ փաստերը։
«Ոչ մի ապացույց չկա, որ այդ գործարքները վնաս են պատճառել կամ նպատակ են ունեցել վնաս պատճառել Wildberries ՍՊԸ-ին և հայցվորին»,- ասվում է փաստաթղթում։
Դատարանը գտել է, որ Տատյանա Կիմին է պատկանում Wildberries LLC-ի կանոնադրական կապիտալի 99 տոկոսը, իսկ Բակալչուկին՝ մեկ տոկոսը, և հիմքեր չի գտել գործարքն անվավեր ճանաչելու համար։
Թարգմանությունը՝ Տաթև Ֆռանգյանի
