08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Լոս Անջելեսի անտառային հրդեհներն արդեն 10 մարդու կյանք են խլել
Քաղաքականություն
10.01.2025 | 11:33
Լոս Անջելեսի շրջանում անտառային հրդեհների զոհերի թիվը հասել է առնվազն 10-ի։ Այս մասին հայտնում է CNN-ը՝ հղում կատարելով տեղի բժշկական փորձաքննության գրասենյակին: Ավելի վաղ հաղորդվում էր 8 զոհի մասին։
«Գերատեսչությունը ծանուցում է ստացել հրդեհների հետ կապված 10 մահվան դեպքերի մասին»,- ասվում է գերատեսչության հաղորդագրության մեջ։
Լոս Անջելեսի շրջանը տասնյակ հազարավոր բնակիչների համար պարտադիր տարհանման հրաման է տվել։ Վարչական շրջանի հրշեջ ծառայության պետը խոստովանել է, որ ռեսուրսները սահմանափակ են եղել, դրանք նախատեսված են եղել մեկ կամ երկու խոշոր հրդեհների դեմ պայքարելու համար:
Իրավիճակը բարդացնում է ուժեղ քամին, որի պատճառով ժամանակավորապես դադարեցվել է ավիացիայի աշխատանքը, իսկ Փելիսեյդսի տարածքում չեն աշխատել հրդեհային հիդրանտները:
Հրդեհներն արդեն անվանվել են Լոս Անջելեսի շրջանի պատմության ամենաավերիչներից մեկը:
Թարգմանությունը՝ Տաթև Ֆռանգյանի
