25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
Թրամփը Պուտինի հետ հանդիպման է պատրաստվում
Քաղաքականություն
10.01.2025 | 11:10
ԱՄՆ ընտրված նախագահ Դոնալդ Թրամփը հայտարարել է, որ ներկայում նախապատրաստական աշխատանքներ են տարվում ՌԴ նախագահ Վլադիմիր Պուտինի հետ հանդիպում կազմակերպելու համար, գրում է BBC-ի ռուսական ծառայությունը։
«Նա ցանկանում է հանդիպել, և մենք նախապատրաստություն ենք տանում»,- ասել է Թրամփը լրագրողներին նախքան Ֆլորիդայում Մար-ա-Լագոյի իր նստավայրում հանրապետական նահանգապետների հետ հանդիպումը։
«Նախագահ Պուտինը ցանկանում է հանդիպել։ Նա հայտարարել է այդ մասին նույնիսկ հրապարակային և մենք պետք է այդ պատերազմին վերջ դնենք»,-հավելել է Թրամփը՝ նկատի ունենալով պատերազմն Ուկրաինայում՝ չհստակեցնելով, թե ինչպես է նախատեսում վերջ դնել պատերազմին։ ԱՄՆ ընտրված նախագահը չի հստակեցրել նաև սպասվող հանդիպման հնարավոր ժամկետները։
Կրեմլը դեռ չի մեկնաբանել Թրամփի խոսքերը, սակայն նախօրեին Պուտինի մամուլի խոսնակ Դմիտրի Պեսկովը լրագրողներին ասել էր, որ մինչ այժմ ամերիկյան կողմից հանդիպման դիմում չի եղել։
Թարգմանությունը՝ Էմմա Չոբանյանի
