10.08.2026 | 16:09
Երբ պատգամավորն ասում է՝ ուզում եմ հայ զինվորը մեռնի, քննարկելի՞ է էթիկայի հանձնաժողովում․ Ռուբինյան. ՏԵՍԱՆՅՈՒԹ
ԱՄՆ-ը հայտարարել է Ուկրաինային 500 միլիոն դոլարի ռազմական օգնության փաթեթի մասին
Քաղաքականություն
09.01.2025 | 18:21
ԱՄՆ պաշտպանության նախարար Լլոյդ Օսթինը Ramstein-ի ձևաչափով հանդիպման ժամանակ հայտարարել է, որ ԱՄՆ-ն Ուկրաինային 500 միլիոն դոլարի ռազմական օգնություն կտրամադրի, գրում է Current time-ը։
«Այն ներառում է լրացուցիչ հրթիռներ ուկրաինական հակաօդային պաշտպանության համար, ավելի շատ զինամթերք, «օդ-երկիր» զինամթերք և այլ սարքավորումներ՝ ուկրաինական F-16-ներին աջակցելու համար»,- ասել է նա։
Օսթինը նշել է, որ «Ուկրաինայի պայքարը կարևոր է բոլորի համար»։
«Մենք բոլորս շահագրգռված ենք ապահովելու, որ ավտոկրատները չկարողանան իրենց կայսերական հավակնությունները վեր դասել ազատ և ինքնիշխան ժողովուրդների հիմնարար իրավունքներից: Ուկրաինան արդար պատերազմ է մղում ինքնապաշտպանության համար»,- հավելել է նա։
Associated Press-ն ավելի վաղ հայտնել էր, որ Ուկրաինային օգնության այս փաթեթը կլինի վերջինը Բայդենի վարչակազմի կողմից։ Դա նշանակալի կլինի, բայց դժվար թե ներառի ամբողջ չորս միլիարդ դոլարը, որոնք ԱՄՆ Կոնգրեսն արդեն հաստատել է Կիևի համար։ Ըստ Պենտագոնի՝ միջոցները կփոխանցվեն Դոնալդ Թրամփի նոր վարչակազմին։
Ակնկալվում է, որ հանդիպմանը մասնակիցները կմշակեն ուկրաինական զինված ուժերի զարգացման ճանապարհային քարտեզը մինչև 2027 թվականը՝ ավիացիայից մինչև ծովային անվտանգություն։ Լլոյդ Օսթինն ասել է, որ կոնտակտային խմբի երկրները վերջին տարիներին ավելի քան 122 միլիարդ դոլար են ներդրել անվտանգության ապահովման և ամբողջ աշխարհում արտադրությունն ընդլայնելու համար:
Թարգմանությունը՝ Էմմա Չոբանյանի
