30.04.2026 | 10:10
Դրամն արժևորվել է․ արտարժույթների փոխարժեքները՝ ապրիլի 30-ի դրությամբ
Կրեմլը նախատեսում է պատերազմի ավարտից հետո բռնակցել Բելառուսը. Meduza
Քաղաքականություն
09.01.2025 | 19:49
Կրեմլը կարող է վերադառնալ Բելառուսը Ռուսաստանին միացնելու ծրագրին Ուկրաինայի պատերազմի ավարտից հետո, Meduza-ին հայտնել են նախագահի աշխատակազմին մոտ կանգնած աղբյուրները։
Նրանց խոսքով՝ սա կարող է ներկայացվել որպես երկու պետությունների «խորը ինտեգրում»՝ ընդհանուր կառավարման մարմինների ստեղծմամբ:
«Դրանք կարող են նույնիսկ քարոզարշավ անցկացնել, նոր ռեկորդներ ցույց տալ։ 1980-1990-ական թվականներին կազմալուծված հողերի միավորում, հանրապետությունների միավորում։ Սա իրադարձություն է»,- բացատրել է զրուցակիցներից մեկը։
Այնուամենայնիվ, նա վերապահում է արել, որ այս սցենարի իրականացումն «ամբողջովին կախված է [Բելառուսի նախագահ] Ալեքսանդր Լուկաշենկոյից, իսկ նա ակնհայտորեն ցանկանում է մնալ լիիրավ կառավարիչ»։
Բելառուսում հաջորդ նախագահական ընտրություններից առաջ Լուկաշենկոն, որը երկրի նախագահի պաշտոնը զբաղեցնում է 1994 թվականից և հավակնում է յոթերորդ նախագահական ժամկետին, հայտարարել է մոտ ապագայում իշխանությունը նոր սերնդին փոխանցելու պատրաստակամության մասին։
2024 թվականի դեկտեմբերին Լուկաշենկոն և ՌԴ նախագահ Վլադիմիր Պուտինը համաձայնագիր են ստորագրել անվտանգության փոխադարձ երաշխիքների մասին։ Փաստաթուղթը, մասնավորապես, սահմանում է կողմերի պարտավորությունները երկու երկրների պաշտպանության, ինքնիշխանության, անկախության և սահմանադրական կարգի պաշտպանության, ինչպես նաև Միութենական պետության տարածքի և արտաքին սահմանների ամբողջականության և անձեռնմխելիության ապահովման ոլորտում։
Թարգմանությունը՝ Տաթև Ֆռանգյանի
