07.10.2026 | 12:01
Թրամփը հայտնել է, որ Պուտինի հետ հեռախոսազրույց կունենա Ռուսաստանում ժանտախտի իրավիճակի հետ կապված
Ավելի քան 52,000 փախստականներ դեկտեմբերին Թուրքիայից վերադարձել են Սիրիա
Քաղաքականություն
09.01.2025 | 22:30
Թուրքիայի ներքին գործերի նախարար Ալի Երլիքայան հայտարարել է, որ 52,622 սիրիացիներ անցյալ տարվա դեկտեմբերին կամավոր և անվտանգ վերադարձել են իրենց երկիր։ Նա այս մասին հայտարարել է Հաթայի Ռեյհանլի շրջանի Չիլվեգոզու սահմանային դարպասի մոտ, գրում է Turkiye today-ը։
Ըստ թուրք նախարարի՝ Թուրքիան ներկայում հյուրընկալում է 2,88 միլիոն սիրիացիների։ 2017 թվականից ի վեր հայրենիք է վերադարձել 792,625 սիրիացի։
Մինչև դեկտեմբերի 8-ն ամսական միջինը 11,066 սիրիացի էր վերադարձել: Սակայն միայն վերջին մեկ ամսում 52,622 սիրիացիներ են վերադարձել, որոնցից 41,000-ը՝ ընտանիքներ, մնացածը՝ անհատներ։
«13 տարի մենք երբեք չենք փակել մեր դռները նրանց համար, որոնք ապաստան են փնտրել: Մենք միշտ կանգնած ենք եղել պատմության ճիշտ կողմում՝ օգնության ձեռք մեկնելով կարիքավորներին: Այս պատվաբեր վերադարձն իրականացվում է միջազգային իրավունքին համապատասխան և ՄԱԿ-ի ներկայացուցիչների ներկայությամբ՝ ապահովելով գործընթացի թափանցիկ և օրինական ընթացքը։ Մենք հավատարիմ ենք Սիրիայում ապահով և կայուն միջավայր ապահովելուն և աշխարհին ցույց ենք տալիս կամավոր ու արժանապատիվ վերադարձի կարևորությունը»,- հայտարարել է Երլիքայան։
Թարգմանությունը՝ Էմմա Չոբանյանի
