08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Պուտինը ներողություն է խնդրել Ալիևից ավիաաղետի համար․ Պեսկով
Քաղաքականություն
09.01.2025 | 17:32
Ռուսաստանն անհրաժեշտ օգնություն է ցուցաբերում Ղազախստանում ադրբեջանական ինքնաթիռի կործանման պատճառների հետաքննության հարցում։ ՌԻԱ Նովոստիի փոխանցմամբ՝ այս մասին ասել է ՌԴ նախագահի մամուլի քարտուղար Դմիտրի Պեսկովը։
«Քննչական մարմիններին տրվել են անհրաժեշտ հանձնարարականներ, ցուցաբերվում է անհրաժեշտ օգնություն և համագործակցություն այս վթարի պատճառների հետաքննության համար: Դուք գիտեք, որ նախագահ Վլադիմիր Պուտինը ներողություն է խնդրել և ափսոսանքի խոսքեր հայտնել»,- ասել է Պեսկովը լրագրողներին՝ մեկնաբանելով Ադրբեջանի նախագահ Իլհամ Ալիևի մեղադրանքներն այն մասին, որ փորձում են լռեցնել ինքնաթիռի կործանման պատմությունը։
Նա նշել է, որ Պուտինն ու Ալիևն այս թեմայով երկու անգամ հեռախոսով զրուցել են։
Բաքվից Գրոզնի թռչող ադրբեջանական Embraer 190 ինքնաթիռը վթարի է ենթարկվել 2024 թվականի դեկտեմբերի 25-ի առավոտյան՝ Ղազախստանի Ակտաու քաղաքի մոտակայքում։ Ավիաընկերության տվյալներով՝ ինքնաթիռում եղել է 62 ուղևոր և անձնակազմի 5 անդամ։ Ղազախստանի արտակարգ իրավիճակների նախարարության տվյալներով՝ ողջ է մնացել 29 մարդ։
Թարգմանությունը՝ Տաթև Ֆռանգյանի
