25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Վրաստանի ժողովրդավարության հետընթացը խորը մտահոգություն է հարուցում. ԱՄՆ պետքարտուղար
Քաղաքականություն
09.01.2025 | 16:46
Ե՛վ Ֆրանսիան, և՛ Միացյալ Նահանգները տեսնում են Վրաստանում ժողովրդավարության հետընթաց, ինչը խորապես մտահոգիչ է։ Այս մասին հայտարարել է ԱՄՆ պետքարտուղար Էնթոնի Բլինքենը, փոխանցում է Գրուզիա օնլայնը։
«Ինչ վերաբերում է Վրաստանին, մենք այդ մասին էլ ենք խոսել։ Ե՛վ Ֆրանսիան, և՛ Միացյալ Նահանգները տեսնում են ժողովրդավարության հետընթաց, ինչը խորապես մտահոգիչ է: Եվ սա ոչ միայն ժողովրդավարական հետընթաց է, այլև նահանջ վրաց ժողովրդի բացարձակ մեծամասնության ձգտումներից, ապագա կառուցելու ձգտումներից, որն ավելի ու ավելի մոտ կլինի Եվրոպային»,- ասել է Բլինքենը Ֆրանսիայի արտգործնախարար Ժան-Նոել Բարոյի հետ Փարիզում կայացած համատեղ ասուլիսում։
Նա նշել է, որ ԱՄՆ-ը, ինչպես նաև իր գործընկերները գործողություններ են ձեռնարկել՝ պատժամիջոցներ կիրառելով «Վրացական երազանքի» ղեկավարության դեմ։
Թարգմանությունը՝ Տաթև Ֆռանգյանի
