13.01.2026 | 20:12
Հարավային Կորեայի նախկին նախագահի համար դատախազությունը մահապատիժ է պահանջել
ՌԴ-ն որոշ առավելություններ ունի, բայց ամբողջությամբ չի գերիշխում․ Պենտագոնի ղեկավարը՝ ռուս-ուկրաինական պատերազմի ներկա իրավիճակի մասին
Քաղաքականություն
09.01.2025 | 21:58
ԱՄՆ հեռացող պաշտպանության նախարար Լլոյդ Օսթինը հայտարարել է, որ Ռուսաստանի զինված ուժերն Ուկրաինայում չունեն բոլոր առավելությունները։ Այս մասին նա ասել է հունվարի 8-ին Գերմանիայում ամերիկյան Ռամշտեյն բազայում Ուկրաինայի հարցով կոնտակտային խմբի հանդիպումից առաջ Bloomberg-ին տված հարցազրույցում։
«Կարծիք կա, որ Ռուսաստանն այստեղ առավելություն ունի և ունի բոլոր հնարավորությունները։ ՌԴ-ն ունի որոշ առավելություններ, բայց ամբողջությամբ չի գերիշխում։ Եվ եթե ստանա այն, ինչ ցանկանում է, ապա կվճարի դրա համար ապագայում»,- ասել է Պենտագոնի ղեկավարը:
Նրա խոսքով՝ դա պետք է հաշվի առնել Ուկրաինայում հրադադարի ցանկացած տարբերակ, որը կարող է ձեռնարկել նորընտիր նախագահ Դոնալդ Թրամփի ապագա վարչակազմը։
Օսթինը նշել է, որ ռուսական զորքերն իրենց խնդիրներն ունեն։
«Նրանք դիմել էին ԿԺԴՀ-ի և Իրանի օգնությանը՝ զենքի և զինամթերքի, իսկ այժմ նաև մարդկանց համար»,- ասել է նախարարը։
Միաժամանակ, ըստ Օսթինի, Ուկրաինան շարունակում է զարգացնել իր ներուժը։ Պենտագոնի ղեկավարը հավելել է, որ Ուկրաինայի ընդարձակ տարածքների օկուպացումը զգալի ռեսուրսներ կպահանջի նույնիսկ զինադադարից հետո։
«Ռուսաստանին շատ ցամաքային ուժեր կպահանջվեն՝ տարածքը պահելու համար»,- ասել է նա։
Թարգմանությունը՝ Տաթև Ֆռանգյանի
