Քաղաքականություն
09.01.2025 | 13:47
Կազանի օդային տարածքի պարբերական փակման պատճառով «Ադրբեջանական ավիաուղիները» (AZAL) անորոշ ժամանակով դադարեցնում է բոլոր չվերթները Բաքու-Կազան-Բաքու երթուղով՝ թռիչքների անվտանգությունն ապահովելու համար։ Ադրբեջանական լրատվամիջոցների հաղորդմամբ՝ այս մասին հայտնում է ավիաընկերության մամուլի ծառայությունը։
Ընկերությունը նշել է, որ չվերթների տոմսեր ունեցող ուղևորներն իրավունք ունեն ամբողջությամբ վերադարձնել կամ անվճար փոխանակել դրանք:
Հունվարի 8-ին AZAL-ը չեղարկել էր իր պլանային չվերթը դեպի Կազան՝ «Գորգ» պլանի ակտիվացման պատճառով, որի արդյունքում փակվել էր քաղաքի օդային տարածքը։ Ավիաընկերությունը չի ներկայացրել երթուղու վերսկսման ժամանակացույցը։
Կազանը Ռուսաստանի 11-րդ քաղաքն է, որի հետ ավիաընկերությունը դադարեցրել է թռիչքները դեկտեմբերի 25-ին ադրբեջանական օդանավի կործանումից հետո։
Թարգմանությունը՝ Էմմա Չոբանյանի
