25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Ֆրանսիայի, Գերմանիայի և Լեհաստանի ԱԳ նախարարներն ԱՄՆ կայցելեն Թրամփի երդմնակալությունից հետո. Politico
Քաղաքականություն
08.01.2025 | 22:04
Ֆրանսիայի, Գերմանիայի և Լեհաստանի արտաքին գործերի նախարարները ծրագրում են այցելել Վաշինգտոն հունվարի 20-ին ԱՄՆ նորընտիր նախագահ Դոնալդ Թրամփի երդմնակալության արարողությունից անմիջապես հետո, հայտնում է Politico-ն՝ վկայակոչելով երեք եվրոպացի դիվանագետների։
Այս կերպ արտաքին քաղաքականության գերատեսչությունների ղեկավարները ցանկանում են ցույց տալ «եվրոպական միասնությունը», նշում են թերթի աղբյուրները։
Ուղևորության ժամկետը դեռևս հաստատված չէ, այցի մանրամասները քննարկվում են։ Գերմանիայի, Ֆրանսիայի և Լեհաստանի արտաքին գործերի նախարարներ Անալենա Բերբոքին, Ժան-Նոել Բարոյին և Ռադոսլավ Սիկորսկիին կարող է ուղեկցել եվրոպական դիվանագիտության ղեկավար Կայա Կալլասը, Politico-ին հայտնել են երկու աղբյուրներ։
Եվրոպացի առաջնորդները պատրաստակամություն են հայտնել աշխատել Դոնալդ Թրամփի վարչակազմի հետ, սակայն հանրապետական գործչի որոշ հայտարարություններ անհանգստություն են առաջացրել Եվրոպայում։ Մասնավորապես, նա խոստացել է մաքսատուրքեր մտցնել եվրոպական ապրանքների ներմուծման համար, եթե ԵՄ-ն «չլրացնի հսկայական դեֆիցիտը» առևտրային հարաբերություններում՝ գնելով ամերիկյան նավթ և գազ։ ԵՀ-ն խոսել է հակաքայլեր դիտարկելու պատրաստակամության մասին։
Թարգմանությունը՝ Տաթև Ֆռանգյանի
