09.09.2026 | 11:04
ԱԺ ֆինանսավարկային և բյուջետային հարցերի մշտական հանձնաժողովի նիստը․ ՈՒՂԻՂ
ԵՀ-ն սպառնում է տուգանել Meta-ին, եթե փաստերի ստուգումը չեղարկվի
Քաղաքականություն
08.01.2025 | 17:44
Եվրամիությունը կարող է հետաքննություն սկսել և նույնիսկ տուգանել Meta-ին, եթե այն չեղարկի փաստերի ստուգումը Եվրոպայում և դրանով իսկ խախտի ԵՄ թվային ծառայությունների ակտը (DSA)։ Բրյուսելում կայացած ճեպազրույցում այս մասին հայտարարել է Եվրահանձնաժողովի խոսնակ Թոմաս Ռենյեն, փոխանցում է WP-ն։
Ավելի վաղ ամերիկյան Meta կորպորացիայի հիմնադիր Մարկ Ցուկերբերգը հայտարարել էր, որ ընկերությունը կդադարի օգտվել փաստերի ստուգման ծառայություններից՝ իր սոցիալական ցանցերում չափազանց մեծ գրաքննության պատճառով։
«Եթե նման տեղեկատվություն ստացվի [փաստերի ստուգման դադարեցման մասին], մեզ անհրաժեշտ կլինի ստանալ ռիսկերի գնահատման վերլուծություն այն փաստի վերաբերյալ, որ ընկերությունը չի համապատասխանում DSA-ին։ Իսկ եթե դրա միջոցները չեն համապատասխանում օրենքին, ապա մենք խախտումների ընթացակարգ ենք բացում և, ըստ այդմ, կարող են տուգանքներ կիրառվել»,- ասել է ԵՀ ներկայացուցիչը։
Նա նաև նշել է, որ ԵՄ-ն վախենում է Ցուկերբերգի որոշման պատճառով ապատեղեկատվություն պարունակող բովանդակության ծավալների ավելացումից։
Ցուկերբերգն ասել է, որ ընկերությունը նախկինում փորձել է համապատասխանել կառավարությունների և ավանդական լրատվամիջոցների պահանջներին, որոնք պահանջում էին «ավելի ու ավելի շատ գրաքննություն» ամերիկյան սոցիալական ցանցերում:
Թարգմանությունը՝ Տաթև Ֆռանգյանի
