09.09.2026 | 14:56
«Սուտ եք խոսում, Տավուշից Ադրբեջանին գյուղ չի հանձնվել»․ բանավեճ՝ Ղալումյանի և Ղազարյանի միջև․ ՏԵՍԱՆՅՈւԹ
ԵՄ-ն թույլ չի տա հարձակվել իր ինքնիշխան սահմանների վրա․ Ֆրանսիայի զգուշացումը Թրամփին
Քաղաքականություն
08.01.2025 | 18:23
Եվրամիությունը թույլ չի տա այլ երկրներին հարձակվել իր ինքնիշխան սահմանների վրա։ Այս մասին հայտարարել է Ֆրանսիայի արտգործնախարարը՝ պատասխանելով Գրենլանդիան գրավելու վերաբերյալ ԱՄՆ նորընտիր նախագահ Դոնալդ Թրամփի մեկնաբանություններին, գրում է France24-ը։
Ավելի վաղ Թրամփը չէր բացառել ռազմական կամ տնտեսական գործողությունները՝ որպես ԱՄՆ-ի կողմից Գրենլանդիայի, ինչպես նաև Պանամայի ջրանցքի նկատմամբ վերահսկողություն հաստատելու իր բացահայտ ցանկության մաս:
Ֆրանսիայի արտաքին գործերի նախարար Ժան-Նոել Բարրոն հայտարարել է, որ չի հավատում, թե ԱՄՆ-ը կներխուժի Արկտիկայի կղզի, որն ավելի քան 600 տարի Դանիայի կազմում է:
«Ակնհայտ է, որ ոչ մի կասկած չկա, որ Եվրամիությունը թույլ չի տա աշխարհի այլ երկրներին հարձակվել իր ինքնիշխան սահմանների վրա՝ անկախ նրանից, թե նրանք ով են։ Մենք ուժեղ մայրացամաք ենք։ Եթե դուք ինձ հարցնեք՝ արդյո՞ք ես կարծում եմ, որ Միացյալ Նահանգները ներխուժելու է Գրենլանդիա, իմ պատասխանն է՝ ոչ: Բայց արդյո՞ք մենք մտել ենք մի շրջան, որտեղ ամենաուժեղներն են գոյատևում։ Այդ դեպքում իմ պատասխանն է՝ այո»,- ասել է ֆրանսիացի պաշտոնյան։
Նա նշել է, որ ԵՄ-ն չպետք է թույլ տա իրեն վախեցնել կամ չափազանց անհանգստացնել, այլ պետք է արթնանա և ուժեղանա:
Թարգմանությունը՝ Էմմա Չոբանյանի
