25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
ԵՀ-ն Եվրոպայում համաճարակի վտանգ չի տեսնում՝ Չինաստանում վիրուսի տարածման պատճառով
Քաղաքականություն
08.01.2025 | 23:06
Եվրահանձնաժողովի խոսնակ Եվա Գրնցիրովան ասել է, որ ԵՄ-ն կարիք չի տեսնում պատրաստվելու նոր համաճարակի՝ Չինաստանում վիրուսի տարածման պատճառով։ Չինաստանում գրանցվել է մետապնևմովիրուսի բռնկում:
«Հիմա համաճարակի պատրաստվելու կարիք չկա, մենք տեղյակ ենք Չինաստանում տիրող իրավիճակից, մեր բժշկական գործակալությունը վերահսկում է իրավիճակը, այն կքննարկվի նաև առողջապահական հանձնաժողովում առաջիկա շաբաթների ընթացքում»,- ասել է Գրնցիրովան:
Չինաստանի Հիվանդությունների վերահսկման և կանխարգելման գործակալությունն ավելի վաղ հաղորդել էր հյուսիսային նահանգներում վիրուսի բռնկման մասին: Մետապնևմովիրուսով վարակվելու դեպքեր են գրանցվել նաև Ղազախստանում։ Ռոսպոտրեբնադզորը հայտնել է, որ վերահսկում է իրավիճակը։
Մարդու մետապնևմովիրուսը շնչառական վիրուս է, որն առաջացնում է շնչառական հիվանդություն: Մետապնևմովիրուսի հիմնական ախտանշանները նման են սովորական գրիպի կամ մրսածության ախտանիշներին՝ հազ, քթահոսություն, ջերմություն, գլխացավ։
Թարգմանությունը՝ Տաթև Ֆռանգյանի
