30.04.2026 | 14:02
Զելենսկին արձագանքել է Պուտինի՝ մայիսի 9-ի հրադադարի առաջարկին
Իսրայելը հերքում է Գազայի հատվածում պատանդների ցուցակի դիմաց մարտերի դադարեցման մասին տեղեկությունները
Քաղաքականություն
08.01.2025 | 17:14
Գազայի հատվածում մի քանի շաբաթով ռազմական գործողությունները դադարեցնելու մասին լրատվամիջոցներում հրապարակված տեղեկատվությունը՝ պաղեստինյան անկլավում արմատականների կողմից պատանդների անունների ցուցակի դիմաց, չի համապատասխանում իրականությանը, այն ՀԱՄԱՍ շարժման հոգեբանական պատերազմի մաս է։ Այս մասին հայտարարել են Իսրայելի վարչապետի գրասենյակից, փոխանցում է ՏԱՍՍ-ը։
«Արաբական լրատվամիջոցների հաղորդագրությունները մի քանի շաբաթով ռազմական գործողությունների դադարեցնելու մասին՝ պատանդների անունների ցուցակի դիմաց, բացարձակ սուտ են և հոգեբանական պատերազմի մաս, որը ՀԱՄԱՍ-ը փորձում է մղել պատանդների ընտանիքների և Իսրայելի քաղաքացիների դեմ։ Իսրայելը կշարունակի գործել բոլոր պատանդներին տուն վերադարձնելու ուղղությամբ»,- ասված է հայտարարության մեջ։
Հունվարի 5-ին Reuters-ը, հղում անելով ՀԱՄԱՍ-ի ներկայացուցչին, հայտնել էր, որ շարժումը հաստատել է 34 պատանդների անունների ցուցակը, որոնց պատրաստվում են ազատ արձակել Գազայի հատվածի հետ գործարքի շրջանակում:
Թարգմանությունը՝ Տաթև Ֆռանգյանի
