21.01.2026 | 23:30
Ինչ իրավիճակ է Հայաստանի ճանապարհներին և Լարսում
Չեմ ասի, որ շատ մեծ տարբերություն կա նախորդ ընտրությունների համեմատ. Արա Բաբլոյան
Քաղաքականություն
23.09.2018 | 14:06
Ընտրական գործընթացներում հանդուրժողականությունն ինձ համար կարևոր տեղ ունի: Այս մասին այսօր՝ սեպտեմբերի 23-ին Երևանի ավագանու արտահերթ ընտրություններում քվեարկելուց հետո լրագրողների հետ զրույցում ասաց ՀՀ Ազգային ժողովի նախագահ Արա Բաբլոյանը:
Հարցին՝ հանուն ինչի՞ քվեարկեց, Արա Բաբլոյանը պատասխանեց. «Հանուն Երևանի զարգացման, առաջընթացի, հանուն նրա, որպեսզի մենք էլ ավելի լավ մայրաքաղաք ունենանք»:
Իսկ ինչո՞վ են այս ընտրությունները տարբերվում նախորդներից: «Չեմ ասի, որ շատ մեծ տարբերություն կա նախորդ ընտրությունների համեմատ: Ամեն դեպքում, ինձ համար հանդուրժողականությունն ընտրական գործընթացում կարևոր տեղ ունի: Պայքարը միշտ թեժ է լինում, բոլորն ուզում են, որ անպայման ունենան լավագույն արդյունքները, բայց երբեք չպետք է անձնավորել, մեկը մյուսին վիրավորել: Ցավոք, մեկ-մեկ եղան նման դեպքեր, բայց հուսով եմ՝ մենք կամաց-կամաց է՛լ ավելի առաջ կգնանք և ժողովրդավարությունն է՛լ ավելի կամրապնդվի»,- նշեց ԱԺ նախագահը:
