09.01.2025 | 10:12
Փրկարարներն արգելափակումից ավտոմեքենաներ են դուրս բերել
Իրանում 2024 թվականին առնվազն 901 մարդ մահապատժի է ենթարկվել․ ՄԱԿ
Քաղաքականություն
08.01.2025 | 16:17
ՄԱԿ-ի Մարդու իրավունքների գերագույն հանձնակատար Վոլկեր Թյուրկը հայտարարել է, որ խորապես անհանգստացած է անցյալ տարի Իրանում մահապատիժների զգալի աճով։ Հաղորդվում է, որ առնվազն 901 մարդ մահապատժի է ենթարկվել 2024 թվականին, այդ թվում՝ շուրջ 40 անձ՝ դեկտեմբերի միայն մեկ շաբաթվա ընթացքում։ 2023 թվականին մահապատժի է ենթարկվել առնվազն 853 մարդ։
«Խորապես մտահոգիչ է, որ ևս մեկ անգամ Իրանում մահապատժի ենթարկվողների թվի աճ է նկատվում։ Ժամանակն է, որ Իրանը կասեցնի մահապատիժների այս անընդհատ աճող ալիքը»,- ասել է նա։
Անցյալ տարի մահապատիժների մեծ մասն իրականացվել է թմրանյութերի հետ կապված հանցագործությունների համար, սակայն մահապատժի են ենթարկվել նաև այլախոհները և 2022 թվականի ցույցերի հետ կապված քաղաքացիներ: Աճել է նաև մահապատժի ենթարկված կանանց թիվը։
«Մենք դեմ ենք մահապատժին բոլոր հանգամանքներում: Դա անհամատեղելի է կյանքի հիմնարար իրավունքի հետ և մեծացնում է անմեղ մարդկանց մահապատժի ենթարկվելու անընդունելի վտանգը»,- ասել է Թյուրկը՝ կոչ անելով Իրանի իշխանություններին դադարեցնել բոլոր հետագա մահապատիժները և մահապատժի կիրառման մորատորիում մտցնել՝ այն վերջնականապես վերացնելու նպատակով:
Թարգմանությունը՝ Էմմա Չոբանյանի
