10.08.2026 | 12:30
Ոստիկանները ձերբակալել են մեկ տասնյակից ավելի անձանց․ մանրամասներ` Դաշտավան գյուղում կատարված խուլիգանությունից
Էրդողանն իմ ընկերն է, ես հարգում եմ նրան․ Դոնալդ Թրամփ
Քաղաքականություն
08.01.2025 | 15:19
ԱՄՆ նորընտիր նախագահ Դոնալդ Թրամփը Թուրքիայի նախագահ Ռեջեփ Թայիփ Էրդողանին անվանել է իր «ընկերը»՝ հավելելով, որ «հարգում է» նրան, գրում է Turkiye Today-ը։
«Նախագահ Էրդողանն իմ ընկերն է։ Նա մեկն է, որին ես սիրում և հարգում եմ։ Կարծում եմ՝ նա էլ ինձ է հարգում»,- ասել է Թրամփը։
Ֆլորիդայում Մար-ա-Լագոյի իր նստավայրում հրավիրված ասուլիսի ժամանակ ԱՄՆ ընտրված նախագահը քննարկել է իր արտաքին քաղաքականության օրակարգը։ Անդրադառնալով նախագահության նախորդ ժամկետին՝ Թրամփը նշել է պատերազմներից խուսափելու իր ջանքերը և անդրադարձել Սիրիայից ամերիկյան զորքերի դուրսբերման վերաբերյալ հարցերին՝ ընդգծելով այդ գործընթացում Թուրքիայի դերը։ Թրամփն ասել է, որ իր նախագահության առաջին ժամկետում Սիրիայում հաղթել է ԻԼԻՊ-ին և ԱՄՆ-ի զորքերի մեծ մասը դուրս է բերել երկրից։ Ներկա իրավիճակի մասին հարցին ի պատասխան՝ նա կարևորել է Անկարայի դերը։
Թրամփը նշել է, որ Թուրքիան 2000 տարի շարունակ հետապնդում է Սիրիային՝ տարբեր ձևերով և տարբեր անուններով։
«Բայց եթե նայեք, թե ինչ եղավ Սիրիայի հետ, Ռուսաստանը թուլացավ, Իրանը թուլացավ։ Եվ նա (նախագահ Էրդողանը) շատ խելացի է, և նա իր մարդկանց ուղարկեց այնտեղ տարբեր ձևերով և տարբեր անուններով, և նրանք մտան և գրավեցին»,- ասել է նա՝ հավելելով, որ Թուրքիան դադարեցրել է ռազմական գործողությունը իր կողմից ճնշում գործադրելուց հետո։
Թարգմանությունը՝ Էմմա Չոբանյանի
