14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Հայկ Մարությանը դիմել է Նիկոլ Փաշինյանին՝ կապված տրանսպորտի թանկացման հետ
Քաղաքականություն
07.01.2025 | 22:08
Երևանի նախկին քաղաքապետ Հայկ Մարությանը ֆեյսբուքյան իր էջում անդրադարձել է տրանսպորտի թանկացման հարցին՝ նշելով, որ դրա հետ կապված հարց է ուղղել ՀՀ վարչապետ Նիկոլ Փաշինյանին՝ ակնկալելով պատասխան։ Մարությանը հարցն ուղղել է Փաշինյան-Պապիկյան հանդիպման տեսանյութի մեկնաբանությունում։
«Քանի որ Երևանի քաղաքային իշխանությունները խելքները գլուխները չեն հավաքում ու այնուամենայնիվ փորձում են փետրվարի 1-ից տրանսպորտը թանկացնել, և քանի որ նրանց հետ խոսելն այլևս անիմաստ է, Նիկոլ Փաշինյանին իր ֆեյսբուքյան էջում հարց եմ ուղղել՝ կապված տրանսպորտի թանկացման հետ:
Ակնկալում եմ պատասխան՝ այս կարևոր խնդրի վերաբերյալ»,- գրել է Մարությանը։
Հիշեցնենք, որ Factor TV-ի եթերում բանավեճի ժամանակ Հայկ Մարությանը հարց էր ուղղել Տիգրան Ավինյանին՝ արդյոք Նիկոլ Փաշինյանը կողմ է թանկացմանը, սակայն պատասխան չէր հնչել։
