13.01.2026 | 21:53
Պապիկյանը հետևել է սպայական կազմերի ատեստավորման գործընթացին
ՀՀ ՏԿԵ նախարարն այցելել է «Երևանի ՋԷԿ»
Տնտեսություն
07.01.2025 | 22:54
ՀՀ ՏԿԵ նախարար Դավիթ Խուդաթյանն այսօր այցելել է «Երևանի ՋԷԿ» ՓԲԸ։ Այս մասին տեղեկացնում են Տարածքային կառավարման և ենթակառուցվածքների նախարարությունից։
«Նախարարը նախ շրջայց է կատարել Կայանի տարածքում, ծանոթացել անցած տարի իրականացված վերազինման աշխատանքներին։
2024 թվականի օգոստոս-հոկտեմբեր ամիսներին «Երևան ՋԷԿ» ՓԲԸ-ում իրականացվում է համակցված շոգեգազային ցիկլով աշխատող էներգաբլոկի, գազատուրբինի, շոգետուրբինի և օժանդակ սարքավորումների կապիտալ նորոգում։
Նախարարն այցի ավարտին աշխատանքային խորհրդակցություն է անցկացրել աշխատակազմի հետ։
Երևան ՋԷԿ-ի գլխավոր տնօրենի պաշտոնակատար Ալիսա Բաղդասարյանը նախարարին է ներկայացրել անցած տարվա ընթացքում կատարված աշխատանքը, գրանցած ցուցանիշները, առկա խնդիրները, ինչպես նաև 2024 թվականի կատարողական հիմնական ցուցանիշները։
Աշխատանքային քննարկմանը նախարարը ընդգծել է Երևան ՋԷԿ-ի կարևոր դերը էներգահամակարգում, գործընկերներին հորդորել է աշխատանքն իրականացնել մեծ պատասխանատվությամբ ու արդյունավետ»,- ասված է հաղորդագրության մեջ։
