05.09.2026 | 13:49
Էլիզա Գասպարյանը որոնվում է որպես անհետ կորած
Սպասում ենք տեսնենք՝ ինչպե՞ս են իշխանությունները անցնելու այս քննությունը․ Զարուհի Փոստանջյան․ ՏԵՍԱՆՅՈՒԹ
Քաղաքականություն
23.09.2018 | 13:17
«Երկիր Ծիրանի» կուսակցության Երևանի քաղաքապետի թեկնածու Զարուհի Փոստանջյանի համոզմամբ՝ բոլորս պետք է մայրաքաղաքը դուրս բերենք այն անմխիթար վիճակից, որում հայտնված է։
«Այն թունավոր օդը, որ կա, շնչում ենք բոլորս, հետևաբար, պետք է լուծվեն Երևանի խնդիրները, և պետք է դրան ուղղված գործողություններ կատարենք»,-այսօր լրագրողների հետ զրույցում ասաց քաղաքապետի թեկնածուն։
Վերջինս նշեց, որ ում իր քվեն հանձնի քաղաքացին՝ իրենք կշնորհավորեն և կպահանջեն, որ այդ ուժը իր ծրագրերն իրականացնի: «Քաղաքապետը նաև ծառայություններ մատուցող անձ է, իսկ դա հանրային կառավարումն է, քաղաքական կենսագրություն է ու կամք»,- ասաց նա։
Հարցին՝ ինչո՞վ է պամանավորված հանգամանքը, որ նախորդ ընտրությունների ժամանակ ակտիվորեն շրջում էր ընտրատեղամասերում և բարձրաձայնում արձանագրված թերացումները, իսկ հիմա ոչ, Զարուհի Փոստանջյանը պատասխանեց․ «Գործող իշխանությունը ստանձնել է պարտականությունը՝ անցկացնել արդար, ազատ, թափանցիկ պայմաններում ընտրություններ: Հետևաբար, այս իշխանության քննությունն է, այլ ոչ թե մեր պայքարը ընտրակեղծարարության դեմ, իշխանությունը ստանձնողները հենց դա են պարտավորվել, հետևաբար, մենք սպասում ենք տեսնենք՝ ինչպես են հանձնելու քննությունը, որովհետև իրենց ձեռքում են այն լծակները, որի միջոցով պետք է կանխվեն ընտրակեղծարարություններն ու խախտումները»,- նշեց նա:
Մանրամասները՝ տեսանյութում։
