27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Սաուդյան Արաբիայի Մեքքա և Մեդինա քաղաքներում հեղեղումներ են. հայտարարվել է վտանգավորության կարմիր աստիճան
Քաղաքականություն
07.01.2025 | 14:36
Սաուդյան Արաբիայի Մեքքա և Մեդինա քաղաքները, որոնք մահմեդականների կողմից սուրբ են համարվում, գրեթե ամբողջությամբ հեղեղվել են երկրին պատուհասած հորդառատ անձրևի պատճառով։ Սաուդյան Արաբիայի օդերևութաբանական կենտրոնը հունվարի 7-ի գիշերը նախազգուշացրել է հորդառատ անձրևների և ուժեղ քամիների մասին, որոնք սպասվում են ամբողջ օրվա ընթացքում և, ամենայն հավանականությամբ, կավարտվեն միայն հունվարի 8-ին։
Դատելով ականատեսների կողմից սոցցանցերում հրապարակված կադրերից՝ ուժեղ ջրահոսքը քշում է մեքենաները, իսկ չոր ասֆալտապատ փողոցներն անցել են ջրի տակ։
Ջիդայի միջազգային՝ Սաուդյան Արաբիայի ամենածանրաբեռնված օդանավակայանում, թռիչքների զգալի հետաձգումներ են եղել։
Առավել կործանարար եղանակ է դիտվում Մեքքայում, Ջիդայում և Մեդինայում։ Մի շարք մարզերում հայտարարվել է տագնապի կարմիր մակարդակ՝ նոր հեղեղումների, ամպրոպի, կարկուտի և փոշու հնարավորությամբ։
Մեքքայի Ճգնաժամային և աղետների կառավարման կենտրոնը տեղացիներին հորդորել է պատրաստ լինել հասարակական տրանսպորտի և խանութների աշխատանքների խափանումներին, իսկ վարորդներին և ծովափնյա այցելուներին՝ զգուշություն ցուցաբերել և խուսափել վտանգավոր տարածքներից:
Թարգմանությունը՝ Տաթև Ֆռանգյանի
https://x.com/JazeeraRaajjey/status/1876521270596223214
