17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Հյուսիսային Կորեան հայտարարել է հաջողությամբ գերձայնային հրթիռ փորձարկելու մասին
Քաղաքականություն
07.01.2025 | 23:30
Հյուսիսային Կորեայի իշխանությունները հայտարարել են միջին և մեծ հեռահարության նոր գերձայնային բալիստիկ հրթիռի հաջող փորձարկման մասին։ Այն արձակվել է հունվարի 6-ին Փհենյանի մոտ գտնվող փորձադաշտից, Կորեայի կենտրոնական լրատվական գործակալությունը (KCNA), փոխանցում է DW-ի ռուսական ծառայությունը:
Հրթիռն անցել է 1500 կիլոմետր և հասել ձայնի արագությունից 12 անգամ ավելի մեծ արագության՝ նախքան օվկիանոսի թիրախային տարածքը խոցելը, ասվում է հաղորդագրության մեջ։ Այն նաև հասել է 99,8 կիլոմետր առավելագույն բարձրության, իսկ երկրորդ առավելագույն բարձրությունը 42,5 կիլոմետր է։
Նոր հրթիռային համակարգը «հուսալիորեն կզսպի ցանկացած հակառակորդի Խաղաղ օվկիանոսի տարածաշրջանում», հայտարարել է Հյուսիսային Կորեայի առաջնորդ Կիմ Չեն Ընը։ Նրա խոսքով՝ հրթիռն «ունակ է հզոր ռազմական հարված հասցնել հակառակորդներին՝ արդյունավետորեն հաղթահարելով հակահրթիռային պաշտպանության ցանկացած խիտ համակարգ»։ Նա նաև պնդել է, որ խոսքը երկիրը պաշտպանելու ջանքերի մասին է, այլ ո՛չ հարձակման ծրագրերի։
Թարգմանությունը՝ Տաթև Ֆռանգյանի
