27.06.2026 | 06:03
ԱԱ-2026. Իսպանիան հաղթեց Ուրուգվային, Կաբո Վերդեն նույնպես դուրս եկավ փլեյ-օֆֆ. ՏԵՍԱՆՅՈՒԹ
Թրամփի հատուկ բանագնաց Քիթ Քելլոգը հետաձգել է Ուկրաինա այցը. Reuters
Քաղաքականություն
07.01.2025 | 11:43
Ուկրաինայի հարցով ԱՄՆ նորընտիր նախագահ Դոնալդ Թրամփի ապագա հատուկ բանագնաց Քիթ Քելլոգը որոշել է հետաձգել նախապես հայտարարված այցը Կիև ու եվրոպական այլ մայրաքաղաքներ՝ մինչև Թրամփի երդմնակալությունը, որը նախատեսված է հունվարի 20-ին։ Այս մասին հայտնում է Reuters-ը՝ վկայակոչելով իրավիճակին ծանոթ չորս աղբյուրներ։
Նրանք չեն բացահայտել այս որոշման պատճառները։
Ըստ Bloomberg-ի՝ Ուկրաինա կատարած այցից հետո Թրամփի ներկայացուցիչը պատրաստ է այցելել Մոսկվա, եթե նրան հրավիրեն։
ՌԴ նախագահ Վլադիմիր Պուտինը հայտարարել է, որ Ռուսաստանը պատրաստ է Ուկրաինայի հարցով երկխոսություն վարել առանց նախապայմանների, սակայն ստամբուլյան պայմանավորվածությունների և տեղում իրողությունների հիման վրա։ Խաղաղ կարգավորման պայմանների թվում Վլադիմիր Պուտինը նշել է ուկրաինական զորքերի դուրսբերումը Լուգանսկի, Դոնեցկի, Խերսոնի և Զապորոժիեի շրջաններից, ինչպես նաև Ուկրաինայի՝ ՆԱՏՕ-ին միանալու ծրագրերից հրաժարվելը։
Քիթ Քելլոգի համահեղինակած խաղաղության ծրագիրն առաջարկում է սառեցնել հակամարտությունն առաջնագծում և ստիպել Ուկրաինային տասը տարով հրաժարվել դաշինքին անդամակցությունից: Ռուսաստանի արտաքին գործերի նախարար Սերգեյ Լավրովը նշել է, որ Քելլոգը «դեռևս պետք է խորանա ուկրաինական թղթապանակի մեջ»։
Թարգմանությունը՝ Տաթև Ֆռանգյանի
