25.05.2026 | 23:41
Գյումրիի արտահերթ ընտրություններ ենք իրականացնելու. Նիկոլ Փաշինյան. ՏԵՍԱՆՅՈՒԹ
Թուրքիան կշարունակի միջոցներ ձեռնարկել Սիրիայում ԱՄՆ դաշնակից քուրդ զինյալների դեմ
Քաղաքականություն
03.01.2025 | 18:35
Թուրքիայի Pաշտպանության նախարարությունը հայտարարել է, որ կշարունակի «կանխարգելիչ և հակազդող միջոցները» Սիրիայում քուրդ զինյալների դեմ՝ վկայակոչելով ազգային անվտանգությանն ու տարածաշրջանային կայունությանը սպառնացող վտանգները, գրում է Turkish Minute-ը։
ՊՆ խոսնակ Զեքի Աքթյուրքը մամուլի ասուլիսի ժամանակ ասել է, որ Թուրքիան հավատարիմ է մնում ահաբեկչական համարվող խմբավորումների դեմ պայքարի քաղաքականությանը, այդ թվում՝ «Սիրիայի դեմոկրատական ուժերի» (SDF) և ԻԼԻՊ-ի դեմ։
«Սիրիայում ներկայիս իրավիճակին ու զարգացումներին նոր վարչակազմի հետ միասին ուշադիր հետևում ենք»,- ասել է Աքթյուրքը՝ ընդգծելով, որ Թուրքիան առաջնահերթություն է տալիս Սիրիայի տարածքային ամբողջականությանը և նրա ազգային անվտանգությանը։
Նա նշել է, որ վերահաստատում են վճռականությունը՝ պայքարելու «ահաբեկչական կազմակերպությունների դեմ ցանկացած անվան տակ, որը սպառնում է Թուրքիայի և Սիրիայի անվտանգությանը»:
Հավելենք, որ SDF-ը ԻԼԻՊ-ի դեմ պայքարում ԱՄՆ-ի հիմնական դաշնակիցն է։
Թարգմանությունը`Էմմա Չոբանյանի
