04.04.2026 | 20:03
ՃՏՊ՝ հրդեհի բռնկմամբ
Մոսկվա-Երևան չվերթի օդանավում ուղևոր է մահացել
03.01.2025 | 13:58
Մոսկվա-Երևան չվերթն իրականացնող «Հայկական ավիաուղիներ» ընկերության օդանավում այսօր քաղաքացի է մահացել։ «Հայկական ավիաուղիներ»-ի մամուլի խոսնակ Դիանա Կարապետյանը Factor.am-ին հայտնեց, որ մահացած ուղևորը միջին տարիքի տղամարդ է։
«Ուղևորներից մեկի ինքնազգացողությունը կտրուկ վատացել է։ Անձնակազմը փորձել է առաջին բուժօգնություն ցուցաբերել։ Ուղևորների մեջ երկու բժիշկ է եղել, նրանք ևս փորձել են օգնություն ցույց տալ։ Վայրէջքից անմիջապես հետո շտապօգնության բրիգադներ են մոտեցել բուժօգնության համար։ Ցավոք, քաղաքացու կյանքը փրկել չի հաջողվել»,- նշեց ընկերության մամուլի խոսնակը։
«Հայկական ավիաուղիներ» ընկերությունից հայտնում են, որ մինչ չվերթը տղամարդն առողջական վիճակի հետ կապված որևէ բողոք չի հայտնել։
Անի Թամրազյան
