04.04.2026 | 20:03
ՃՏՊ՝ հրդեհի բռնկմամբ
28-ամյա երիտասարդին դանակահարել էր 31-ամյա համաքաղաքացին․ Արթիկի ոստիկանների բացահայտումը
Հասարակություն
03.01.2025 | 15:09
Հունվարի 1-ին ՆԳՆ ոստիկանության Շիրակի մարզի օպերատիվ կառավարման կենտրոն «Արթիկ» բժշկական կենտրոնից հաղորդում է ստացվել, որ «որովայնի շրջանի կտրած-ծակած վերքեր» ախտորոշմամբ բուժօգնության է տեղափոխվել Արթիկ քաղաքի բնակիչ 28-ամյա մի երիտասարդ։
Մեկնել է Համայնքային ոստիկանության Արթիկի բաժնի օպերատիվ խումբը․ տեղեկացնում են ՆԳՆ ոստիկանությունից։
Համայնքային և քրեական ոստիկանների համատեղ միջոցառումների արդյունքում պարզվել է, որ Արթիկի Շահումյան փողոցի հասցեներից մեկի մոտ տեղի է ունեցել վիճաբանություն․ որի ընթացքում բուժօգնության տեղափոխված երիտասարդին դանակով հարվածել է 31-ամյա համաքաղաքացին։
Նա հայտնաբերվել, ձերբակալվել և ներկայացվել է նախաքննական մարմին։
